IRAN KUSHUTUMIWA NA MAREKANI KUSHAMBULIA HIFADHI YA MAFUTA SAUDIA


Marekani yasema Iran ilikuwa nyuma ya mashambulio ya hifadhi ya mafuta ya Saudia



Marekani imetoa picha za setilaiti na kunukuu taarifa za ujasusi kuthibitisha madai yake kwamba Iran ilikuwa nyuma ya mashambulio dhidi ya vituo vya mafuta vya Saudia
Iran inakana kuhusika na mashambulio hayo ya ndege , ambayo yalidaiwa kutekelezwa na waasi wa kiuhudhi wanaounga mkono Iran nchini Yemen.
lakini maafisa wa Marekani ambao hawakutajwa majina wakizungumza na vyombo vya habari vya kimataifa nchini Marekani wamesema eneo na ukubwa wa mashambulio vinaonyesha kuwa Wahudhi hawakuhusika na mashambuli hayo.

Tukio hilo lilisababisha kupungua kwa mauzo ya mafuta duniani kwa 5% na limesababisha kupanda kwa bei ya bidhaa hiyo.

Marekani inasema nini ?
Waziri wa ulinzi wa Marekani Mike Pompeo aliilaumu Iran wikendi bila kutoa ushahidi wowote , jambo lililoichochea serikali ya Tehran kuushutumu utawala wa Washington kwa uongo.
Katika ujumbe wake alioutoa kwneye mtandao wa kijamii wa Twitter siku ya Jumapili, rais Donald Trump hakuishutumu moja kw amoja Iran, lakini alisema kuwa hatua za kijeshi zinaweza kuchukuliwa pale muhusika wa mashambulio atakapojulikana.


Maafisa wa Marekani wamekuwa wakizungumza na na mvyombpo vya habari kama vile New York Times, ABC na Reuters.
Afisa mmoja amesema kuwa kulikuwa na vituo 19 vilivyolengwa na mashambalio , na kwamba mashambulio hayo yalitokea upande wa magharibi- kaskazini - na magharibi tena - si upande wa eneo linalodhibitiwa na waasi wa kihudhi nchini Yemen, ambalo liko Kusini -magharibi mwa vituo hivyo vilivyoshambuliwa
Maafisa wanasema kuwa kutokana na mwelekeo wa maeneo yalikotokea mashambulio inaonyesha kuwa washambuliaji walikuwa katika Ghuba , Iran au Iraq. Picha zilizoonyesha uharibifu mkubwa uliofanywa matanki ya kutengeneza mafuta upande wa magharibi mwa vituo hivyo katika eneo la Abqaid
Iraq imekanusha kuwa ilihusika na mashambulio hayo ya wikendi yalitokea kwenye ardhi yake . Waziri Mkuu wa IraqAdel Abdul Mahdi amesema kuwa waziri wa ulizi wa Marekani Bwana Pompeo kwa njia ya simu alimhakikishia kuwa Marekani inaunga mkono msimamo wa Iraq kuhusiana na tukio hilo.
Maafisa walionukuliwa na gazeti la New York Times walinukuliwa wakisema mchanganyiko wa ndege zisizokuwa na rubani huenda zilitumwa katika shambulio hilo, lakini sio zote zilizopiga maeneo zilizoyalenga katika vituo vya mafuta vya Abqaiq na Khurais.
kituo ccha habari cha ABC kilimnukuu afisa wa ngazi ya juu wa Marekani akisema kuwa Bwana Trump anaelewa fika kwamba Iran iliwajibika na mashambulio.
Uchina na Muungano wa Ulaya wametaka pande zinazozozana kuhusu mashambulio haya kuwa na subra.
Waziri wa mambo ya nje wa Uingereza Dominic Raab amesema kuwa haijabainika wazi ni nani aliyehusika katika kile alichokitaja kama "ukiukani mkubwa wa sheria za kimataifa ".
Masoko ya mafuta duniani yameathirika kwa kiwango gani ?
Bei ya mafuta imepanda kwa kiwango ambacho hakijawahi kushudiwa kwa siku moja tangu vita vya Ghuba vya mwaka 1991 , vikipanda kwa 20% lakini baei hiyo ilishuka baadae.
Bei ya mafuta ghafi ilipanda hadi kufiki dola $71.95 kwa pipa wakati mmoja.

Iran imejibu nini?
Iran haijasema lolote bado juu ya kauli za sasa za Marekani .
lakini waziri wa mambo ya nchi za nje wa Iran Javad Zarf alituma ujumbe wa twitter Jumapili kumtuhumu Bwana Pompeo akisema kuwa "Kwa kushindwa kukabiliana na shinikizo kubwa , waziri Pompeo amegeuka kuwa muongo".
Alikuwa akizungumzia shinikizo lililotajwa na utawala wa Trump kuhusu "kampeni yake ya shinikizo kubwa " ambalo liliilenga Iran kwa vikwazo tangu Marekani ilipojiondoa katika mkataba wa kimataifa wa kidhibiti mpango wa Iran wa nuklia .

Mashambulio ya Iran yalikuwaje ?
Mashambulio yalilenga kituo cha kutengeneza mafuta cha Abqaiq, ambacho ni kiwanda kikubwa zaidi cha kutengeneza mafuta cha taifa la Saudia , Aramco, pamoja na machimbo ya mafuta ya Khurais
Khurais ni kituo kilicho karibu zaidi nampaka wa Yemen kikiwa maili 480 kutoka mpakani.
Shambulio la ndege zisizokuwa na rubani lilichoma hifadhi mbili za mafuta zinazomilikiwa na kampuni ya serikali ya taifa la Saudia Aramco , kulingana na vyombo vya habari.
Kanda za video zilionyesha moto mkubwa katika eneo la Abqaiq ikiwa ndio hifadhi kubwa ya mafuta ya Saudia huku shambulio la pili likichoma moto hifadhi ya mafuta ya Khurais.
Msemaji wa kundi la Houthi linaloungwa mkono na Iran nchini Yemen alisema kwamba walirusha ndege kumi zisizo na rubani katika shambulio hilo.
Msemaji waasi hao Yahya Sare aliambia televisheni ya al-Masirah ambayo inamilikiwa na waasi hao wa Houthi kwamba mashambulio zaidi yanafaa kutarajiwa katika siku za usoni.
Alisema kwamba shambulio hilo la siku ya Jumamosi ndio kubwa zaidi kuwahi kutekelezwa na wapiganaji hao ndani ya Saudia na kwamba lilitekelezwa kupitia usaidizi wa baadhi ya raia wa ufalme huo.
Maafisa wa Saudia hawajatoa tamko lao kuhusu ni nani wanayefikiria alihusika na shambulio hilo.


Comments

Post a Comment

Popular posts from this blog

KILIMO BORA CHA NYANYA NA SOKO LAKE

Image
1.0 UTANGULIZI Nchini Tanzania zao la nyanya hulimwa karibu katika mikoa yote hasa ya Arusha, Kilimanjaro, Morogoro, Iringa, Mwanza, Dodoma, Tanga, Pwani na Mbeya. Nyanya ni zao la chakula na biashara. Kilimo cha zao hili hufanyika majira yote (masika na kiangazi), na faida hupatikana haraka na ni ya kuridhisha ikilinganishwa na mazao mengine. Pamoja na umuhimu wa zao hili, wadudu waharibifu na magonjwa huathiri uzalishaji na ubora wa matunda. Ili mkulima aweze kupata faida na kuongeza pato la kaya yake ni vema kuzingatia kanuni bora za kilimo pamoja na udhibiti wa magonjwa na wadudu wa zao hili. Kwa manispaa ya Musoma zao la nyanya hulimwa na wakulima hulitegemea zao hili kama zao la biashara kwa kuwa huwapatia faida kubwa ukilinganisha na mazao mengine ya mbogamboga. Halmashauri ya Manispaa ya Musoma imelipa kipaumbele zao hili kwa kulichagu zao hili na kuliweka kwenye mnyororo wa thamani kwa kutoa mafunzo ya kilimo bora cha zao la nyanya ili wakulima wawe
Read more

SOKO LA TIKITI MAJI NA KILIMO CHAKE

Image
  Matikiti maji hulimwa kama zao la biashara katika sehemu nyingi duniani zenye hali ya hewa ya joto la wastani. Zao hili lina wapatia watu shughuli za kufanya na hivyo kuwapatia kipato kuanzia kwenye nyanja za uzalishaji hadi kwenye matumizi. Matikiti maji ni mojawapo ya jamii aina ya matunda au mbogaboga inayotambaa. Mimea hii inapatikana katika kundi linalojumuisha mimea mingine kama kama matango,maboga na maskwash. Zao la tikiti maji ni mojawapo ya zao ambalo lina faida kubwa sana ukilinganisha na mazao mengine kwa muda mfupi Katika shamba la ukubwa wa shamba la ekali moja(1.acre) lililoandaliwa vizuri, kupandwa na kuhudumiwa vizuri mkulima ana uwezo wa kuvuna kiasi cha TANI 15-36, ambacho kitamsaidia kupata fedha zitakazo msaidia katika mahitaji yake mbalimbali na kuondokana na Umasikini. Tikiti maji ni moja ya mazao ya matunda ambayo yamejipatia umaarufu mkubwa kote ulimwenguni. Zao ili ni moja ya mazao ambayo ni rahisi sana kuzalisha na lisilohitaji gharama
Read more

KILIMO BORA CHA VITUNGUU SAUMU NA SOKO LAKE

Image
        UTANGULIZI Vitunguu saumu ni jamii ya vitunguu maji asili yake ni nchi za Asia   lakin pia usitawi katika nchi za kitropik kwa hapa tanzania ustawi katika mikoa ya singida,Arusha,Iringa na Mbeya. pia utumika kama kiungo cha chakula dawa kwa binadamu na wanyama pia na pia utumika kutengeneza mafuta pia harufu yake kali ufukuza wadudu waalibifiu shambani. hivyo shamba la vitunguu swaumu haliwi na wadudu wa halibifu sana ukiringanisha na mazao mengine.    AINA YA VITUNGUU SAUMU Kitaalam bado aijafahamika kunaaina ngapi za vitunguu saumu lakini kuna aina mbili ambazo zinalimwa hapa nchini ni Kienyeji na kisasa. Aina ya kisasa uzaa vitunguu vikubwa venye ngozi nyeupe napia aina ya kienyeji uzaa vitunguu vyekundu vyenye harufu kali sana na pia havia haribiki mapema ukilinganisha na vya kisasa vitunguu saumu havizai mbegu halisi kwa hyo uzalishwa kwa kutumia vikonyo vyake          TABIA YA MMEA Tunguu la vitunguu saumu utokana na vikonyo na hiv vikonyo ndo vinat
Read more