VIONGOZI WA AFRICA KUAGA MWILI WA MUGABE






Rais wa sasa Emmerson Mnagagwa alimtaja Mugabe kama kiongozi aliyekuwa na maono na kusema kwamba 'taifa letu linalia'.
Hatahivyo uwanja ulio na uwezo wa kubeba watu 60,000 ulikuwa na robo ya idadi hiyo.
Uchumi wa taifa hilo upo katika hali mbaya na raia wengi wa Zimbabwe waliamua kususia sherehe hiyo kutokana na ukandamizaji uliotekelezwa na uongozi wa Mugabe.
Kupanda kwa hali ya mfumuko na ukosefu wa ajira ni baadhi ya maswala ambayo yamewafanya raia wa taifa hilo kumlaumu Mugabe.
''Tunafurahia kwamba amefariki, kwa nini nihudhurie mazishi yake? sina mafuta'', alisema mkaazi mmoja wa Harare akizungumza na AFP. ''hatutaki kusikia chochote kumuhusu tena. yeye ndio sababu ya matatizo yetu''.
Kulikuwa na jua , na raia wachache waliokuwepo kumpatia mkono wa burihani Robert Mugabe.
Wakati ambapo jeneza ambalo lilikiuwa likimbeba mwanzilishi wa taifa hilo lilipoingia uwanjani ilikuwa wazi kwamba ni idadi ndogo walihudhuria sherehe hiyo ya mazishi.
Viongozi wa Afrika , wa zamani na waliopo sasa waliingia katika uwanja huo kwa shangwe kubwa pamoja na viongozi waliopigania uhuru wa bara hili.
Bwana Mnangagwa - mtu ambaye alimpindua Mugabe miaka miwili iliopita aliketi viti viwili karibu na mkewe Mugabe Grace.
Sifa za Mugabe kama mpiganiaji uhuru zilitolewa na kila kiongozi ambaye alisimamna kuhutubia akiwemo rais wa Kenya Uhuru kenyatta - huku wakitofautiana na maneno yaliotolewa na mwakilishi wa familia hiyo Walter Chidhakwa aliyesema kwamba ''Mugabe alikuwa na huzuni , huzuni mkubwa', Ilikuwa safari ngumu na ya kuchukiza''.
Matamashi yake yalionyesha wazi wasiwasi uliopo kati ya serikali iliopo na familia ya Mugabe.
Description: Presentational grey line
Zaidi ya viongozi kumi wakiwemo wale wa zamani wa mataifa ya Afrika walihudhuria mazishi hayo , wakimsifu Mugabe kama kiongozi wa Afrika aliyeamua kutumikia maisha yake yote kwa raia wa Zimbabwe.
Bwana Kenyatta hakusita katika matamshi yake aliposema kwamba matatizo ya Kiafrika yanahitaji suluhu ya kiafrika.
Baadaye raia wallimzomea rais wa Afrika Kusini Cyril Ramaphosa ikionekana kuwa jibu la ghasia dhidi ya wageni nchini mwake katika kipindi cha mwezi mmoja uliokwisha.
Alitambua kelele hizo kwa kusema: Katika wiki mbili zilizopita , sisi Waafrika Kusini tumekuwa tukikabiliwa na wakati mgumu .
Tumekuwa na vitengo vya ghasia katika baadhi ya maeneo ya Afrika Kusini...hili limesababisha kama ninavyowasikia mukisema ... vifo na majeraha miongoni mwa idadi ya watu. lakini alisisitiza sisi Waafrika wa Kusini hatupendi ghasia dhidi ya wageni

Je Mugabe atazikwa wapi?
Mazishi hayo yanafuatia mgogoro kati ya familia ya Mugabe na serikali kuhusu mahala atakapozikwa.
Sasa imekubalika kwamba atazikwa katika makaburi ya mashujaa mjini Harare, familia yake imesema.
Msemaji wa familia na mpwa wake leo Mugabe anasema kwamba hiyo itafanyika baada ya kipindi cha mwezi mmoja wakati ambapo kaburi hilo litajengwa katika makaburi hayo ya mashujaa .
Awali mipango ya mazishi hayo kufanyika siku ya Jumapili ilionekana kufutiliwa mbali.
Mugabe ambaye alikuwa na umri wa miaka 95 alipofariki wiki iliopita alikuwa akitibiwa nchini Singapore


Mjue Mugabe kidogo
Mwaka 1980, Bw Mugabe alishinda uchaguzi na kuwa waziri mkuu


Mwaka 1982 aliushutumu upinzani kwa kujaribu kupindua serikali
Maelfu ya watu waliuawa alipolituma jeshi lake lililopata mafunzo Korea Kaskizini, kuwakandamiza maadui zake
Mwaka 1987,alibadilisha katiba ili imruhusu kuwa rais na kuongeza mamlaka yake
Uchumi ulidororeka baada ya mwaka 2000…
Wakati Mugabe aliagiza kunyakua mashamba yaliomilikiwa na watu weupe yaliyokuwa kinara ya uchumi
Mfumuko wa bei ulipelekea sarufi ya taifa kuwa bila thamani na hali nchini humo ikazidi kudororeka
Baada ya uchaguzi wa mwaka 2008, Mugabe alilazimika kugawanya mamlaka na kiongozi wa upinzani Morgan Tsvangirai
Japo kulikuwa na ghasia dhidi ya wafuasi wa Bw Tsvangirai katika kampeni za uchaguzi
Ndoa yake na Grace Mugabe ,anayemzidi kwa maika 40, yaweza kuwa iliyomponza
Wengi walikasirishwa na Grace kuandaliwa kuwa mrithi wake.





Comments

Post a Comment

Popular posts from this blog

KILIMO BORA CHA NYANYA NA SOKO LAKE

Image
1.0 UTANGULIZI Nchini Tanzania zao la nyanya hulimwa karibu katika mikoa yote hasa ya Arusha, Kilimanjaro, Morogoro, Iringa, Mwanza, Dodoma, Tanga, Pwani na Mbeya. Nyanya ni zao la chakula na biashara. Kilimo cha zao hili hufanyika majira yote (masika na kiangazi), na faida hupatikana haraka na ni ya kuridhisha ikilinganishwa na mazao mengine. Pamoja na umuhimu wa zao hili, wadudu waharibifu na magonjwa huathiri uzalishaji na ubora wa matunda. Ili mkulima aweze kupata faida na kuongeza pato la kaya yake ni vema kuzingatia kanuni bora za kilimo pamoja na udhibiti wa magonjwa na wadudu wa zao hili. Kwa manispaa ya Musoma zao la nyanya hulimwa na wakulima hulitegemea zao hili kama zao la biashara kwa kuwa huwapatia faida kubwa ukilinganisha na mazao mengine ya mbogamboga. Halmashauri ya Manispaa ya Musoma imelipa kipaumbele zao hili kwa kulichagu zao hili na kuliweka kwenye mnyororo wa thamani kwa kutoa mafunzo ya kilimo bora cha zao la nyanya ili wakulima wawe...
Read more

SOKO LA MIHOGO NA KANUNI ZAKE

Image
KILIMO BORA CHA MIHOGO : Mihogo ni miongoni mwa mazao ya mizizi ambayo ni muhimu sana kwa chakula, hasa maeneo yenye mvua kidogo na sehemu zenye ukame. Mihogo hutumika kama zao la kinga ya njaa ambapo mizizi yake hutumika kama chakula na majani yake pia hutumika kama mboga. Kutokana na baadhi ya maeneo ya nchi yetu kuwa na ukame, wataalamu wa kilimo wanasisitiza na kushauri mazao ya kinga ya njaa yalimwe. Na Mihogo ni miongoni mwa mazao hayo. Kwa hiyo basi, uangalizi wa shamba toka kuandaa shamba mpaka mavuno unatakiwa kuzingatiwa. HALI YA HEWA ,UDONGO UFAAO NA UTAYARISHAJI WA SHAMBA Ni zao linalostahimili ukame, hustawi vizuri katika maeneo yenye joto la wastani kama ya ukanda wa pwani na yale ya mwinuko usiozidi mita 1500. Ili shamba la Mihogo listawi vizuri ni vyema lilimwe kwenye ardhi yenye rutuba ya wastani, udongo tifutifu au kichanga na mvua ya wastani. Unyevunyevu ukizidi na mbolea kuwa nyingi husababisha mhogo kukua sana sehemu ya juu na kutoa majani ...
Read more

SOKO LA TIKITI MAJI NA KILIMO CHAKE

Image
  Matikiti maji hulimwa kama zao la biashara katika sehemu nyingi duniani zenye hali ya hewa ya joto la wastani. Zao hili lina wapatia watu shughuli za kufanya na hivyo kuwapatia kipato kuanzia kwenye nyanja za uzalishaji hadi kwenye matumizi. Matikiti maji ni mojawapo ya jamii aina ya matunda au mbogaboga inayotambaa. Mimea hii inapatikana katika kundi linalojumuisha mimea mingine kama kama matango,maboga na maskwash. Zao la tikiti maji ni mojawapo ya zao ambalo lina faida kubwa sana ukilinganisha na mazao mengine kwa muda mfupi Katika shamba la ukubwa wa shamba la ekali moja(1.acre) lililoandaliwa vizuri, kupandwa na kuhudumiwa vizuri mkulima ana uwezo wa kuvuna kiasi cha TANI 15-36, ambacho kitamsaidia kupata fedha zitakazo msaidia katika mahitaji yake mbalimbali na kuondokana na Umasikini. Tikiti maji ni moja ya mazao ya matunda ambayo yamejipatia umaarufu mkubwa kote ulimwenguni. Zao ili ni moja ya mazao ambayo ni rahisi sana kuzalisha na lisilohitaji ghar...
Read more